الطالبه حكايات ميراا
وبعدين قال:
— «راجعي إجراءات الطوارئ.»
نورهان اتنهدت.
— «يا بابا، أنا راكبة! مش الطيار!»
— «راجعيها.»
— «إنت مستفز.»
— «بس عايش.»
ضحكت.
كانت الحكاية دي بينهم من وهي عندها 12 سنة.
أول مرة أبوها دخلها قمرة قيادة طيارة تدريب صغيرة في نادي الطيران، وهي كانت شبه بتترعش من الفرحة.
بعدها علّمها الملاحة.
وحسابات الطقس.
وقوائم الفحص.
وإجراءات الطوارئ.
وساعات طويلة على أجهزة المحاكاة.
وألف مرة قالها نفس الجملة:
— «الطيار الشاطر مش اللي بيطير وقت ما الدنيا حلوة… الطيار الشاطر اللي يعرف يتصرف لما كل حاجة تبوظ.»
نورهان أخدت رخصة الطيران الخاصة وهي عندها 17 سنة.
لكن حلم الطيران التجاري كان لسه بعيد.
هي عمرها ما مسكت كنترول طيارة ركاب حقيقية.
كل اللي عملته كان على أجهزة محاكاة متطورة، بمساعدة زمايل أبوها القدامى.
ومع ذلك، كانت عارفة أكتر بكتير مما أي حد ممكن يتخيله عنها.
قالها أبوها قبل ما يقفل:
— «خلاص، أول ما توصلي كلميني.»
— «حاضر.»
— «وخلي بالك من نفسك.»
— «بحبك يا بابا.»
— «وأنا أكتر.»
قفلت نورهان المكالمة.
وما كانتش تعرف إن الجملة الأخيرة اللي قالها أبوها هتفضل ترن في ودانها طول الليلة.
“خلي بالك من نفسك.”
الرحلة أقلعت بشكل طبيعي.
أول أربعين دقيقة عدّوا من غير أي حاجة غريبة.
المضيفات كانوا بيوزعوا المشروبات.
طفل صغير كان عمال يشتكي من السماعات.
راجل قاعد قدام نورهان كان فتح اللابتوب ونام قبل ما يخلص تشغيله.
أما الراجل اللي قابلته في المطار، مدحت حلمي، فكان قاعد قدامها بكام صف، ومشغول في اللابتوب بتاعه، بيكتب بسرعة وكأنه داخل على اجتماع مهم.
الدنيا كانت هادية.
لحد ما…
الطيارة اتنفضت فجأة.
مش مطب هوائي عادي.
الهزة كانت عنيفة لدرجة إن أكواب وقعت، وناس صرخت، وشنط صغيرة وقعت من فوق.
نورهان مسكت في الكرسي قدامها.
وبصت ناحية مقدمة الطيارة.
وفي اللحظة دي، سمعت صوت إنذار مكتوم جاي من ناحية الكابينة.
ثواني معدودة عدّت…
وبعدين لمبة حزام الأمان نورت.
لكن اللي حصل بعدها كان أسوأ بكتير.
المضيفة جريت ناحية الستارة اللي بتفصل الركاب عن مقدمة الطيارة.
دخلت الكابينة.
خرجت بعد ثواني ووشها متغير تمامًا.
وبعدين رفعت السماعة.
— «يا جماعة… من فضلكم، محدش يقوم من مكانه.»
صوتها كان بيرتعش.
ثم قالت الجملة اللي خلت الد*م يتجمد في عروق كل اللي على الطيارة:
