الرقم الغلط حكايات ميرا
مريم بصت له.
ثم لآدم.
ثم رجعت بصت لياسر.
— «إنت كنت معاه؟»
ياسر سكت.
آدم قال ببرود:
— «ياسر.»
— «أيوه؟»
— «اقفل الباب.»
— «حاضر.»
أغلق ياسر الباب.
مريم ضمت حاجبيها.
— «أنا حاسة إن فيه حاجة أنا مش عارفاها.»
آدم نظر إليها للحظات.
ثم قال:
— «فيه.»
— «إيه؟»
فتح درج مكتبه.
وأخرج ورقة واحدة.
دفعها ناحيتها.
نظرت مريم إليها.
كان عنوانها:
عرض عمل — قسم الاستراتيجية والتطوير.
الراتب جعل عينيها تتسعان.
رفعت رأسها بسرعة.
— «ده… كام؟»
— «الرقم واضح.»
— «إنت بتهزر؟»
— «لا.»
— «ده أكتر من اللي كنت بحلم بيه.»
— «عارف.»
سكتت.
ثم قالت:
— «بس ليه أنا؟»
نظر آدم إليها طويلًا.
ولأول مرة منذ بدأت المقابلة، بدا وكأنه متردد في الإجابة.
ثم قال:
— «لأنك أول شخص من فترة طويلة جدًا… كلمني من غير ما يكون عارف أنا مين.»
تجمدت مريم.
آدم أكمل:
— «وأنا حبيت أعرف الشخص اللي كان بيتكلم معايا وقتها.»
وقبل ما ترد…
رن هاتف آدم.
نظر إلى الشاشة.
وتغير وجهه بالكامل.
نهض فورًا.
— «مريم، لازم تمشي دلوقتي.»
اتسعت عيناها.
— «ليه؟»
لم يجب.
أعاد الهاتف إلى جيبه، ثم قال بحدة:
— «خدي العرض، وروحي على البيت.»
— «بس—»
— «مريم.»
كانت نبرته مختلفة.
خطيرة.
— «من اللحظة دي، لو حد اتصل بيكي وقال إنه من الشركة… ما ترديش.»
نظرت له بصدمة.
— «إنت بتخوفني.»
اقترب خطوة.
— «أنا بحذرك.»
ثم نظر إلى ياسر عبر الباب.
— «ياسر، وصلها بنفسك.»
مريم وقفت وهي مش فاهمة أي حاجة.
لكن قبل ما تخرج، سمعت آدم يقول في الهاتف بصوت منخفض:
— «إزاي عرفوا إنها هي؟»
توقفت.
عرفوا إنها هي؟
مين؟
وليه؟
ولأول مرة…
مريم فهمت إن المكالمة اللي بدأت بالصدفة…
يمكن ما كانتش صدفة بالكامل.
#حكايات_ميراا
يتبع… ❤️فضلت الجملة تلف في دماغ مريم طول الطريق:
«إزاي عرفوا إنها هي؟»
مين دول؟
وعرفوا إيه؟
والأهم…
ليه آدم المنشاوي، الملياردير اللي المفروض ما يعرفش عنها أي حاجة، كان بيتصرف كأنه بيحاول يحميها؟
ركبت العربية مع ياسر، لكنها فضلت ساكتة أول عشر دقايق.
وفي الآخر ما قدرتش تستحمل.
— «ممكن أسألك سؤال؟»
ياسر كان مركز في الطريق.
— «اتفضلي.»
— «مين اللي عرف إني أنا؟»
إيده شدت على عجلة القيادة.
لكن صوته فضل هادي.
— «مريم، الأفضل ما تدخليش نفسك في حاجة مش تخصك.»
— «إزاي مش تخصني؟ هو قاللي ما أردش على أي حد يتصل بيا.»
— «وده اللي لازم تعمليه.»
