راهنت على كبير الهوارية كاملة حصري مايا خالد
وقفت أمسكت حقيبتها، واتجهت نحو الباب وفي اللحظة التي خرجت فيها كان عاصم عائدًا من المكتبة نظر إليها باستغراب: رايحة فين؟
قالت ببرود، وهي تتجنب النظر إليه:
الدرس خلص ومفيش داعي أفضل قاعدة.
ثم غادرت وقف عاصم يراقبها حتى اختفت من أمامه بينما خرجت زينب من المكتبة، ولم تستطع إخفاء ابتسامتها المنتصرة لقد كانت تلك… أول خطوة في خطتها لإبعاد ليان عن عاصم.
لم تأتي ليان إلى المضيفة في اليوم التالي
انتظرها عاصم حتى غابت الشمس، ثم أغلق الكتاب الذي كان بين يديه دون أن يقرأ صفحة واحدة.
قال أحد الخدم: أبعت حد يجيب الآنسة؟
هز رأسه: لأ، اللي عايز يمشي بمزاجه، يرجع بمزاجه.
لكن نبرته الهادئة لم تخدع أحدًا.
أما ليان، فكانت تجلس في غرفتها، تحاول إقناع نفسها بأنها اتخذت القرار الصحيح.
قالت هبة وهي تراقبها: هو إنتي مخاصماه؟
ردت بعصبية: ومين قال إني خاصماه؟
أمال بقالك يومين مبتروحيش ليه؟
تنهدت ليان: بنت عمه رجعت وأنا مليش مكان وسط أهله.
ضحكت هبة: هو قالك كده؟
صمتت لحظات ثم هتفت: ولا دي دماغك اللي قالت؟
لم تجد ليان إجابة فتاوبت وهي تمثل النوم: تصبحي على خير.
في اليوم الثالث، خرجت من المدرسة، لتجد سيارة عاصم تقف أمام الباب.
تجاهلتها، وأكملت سيرها لكن السيارة تحركت ببطء إلى جوارها انخفض زجاج النافذة ثم قال عاصم بهدوء: اركبي.
لم تنظر إليه وأستمرت في المشي: لأ.
:_ ليه؟
:_ مش فاضية.
أوقف السيارة، ثم نزل منها وقف أمامها مباشرة:
أنا عملتلك حاجة زعلتك؟
نظرت إليه أخيرًا: لأ.
: يبقى ليه اختفيتي؟
ابتسمت بسخرية: اسأل بنت عمك.
تجمدت ملامحه للحظة ثم فهم وقال بهدوء: زينب قالتلك إيه؟
هزت كتفيها: ولا حاجة… قالتلي الحقيقة بس.
قطب حاجبيه: وأنهي حقيقة؟
ردت ببرود: إن وجودي ضايقها… وإنها أولى بأي وقت تقضيه معاها.
اقترب خطوة: وده يخصها هي.
رفعت رأسها بعناد: ويخصني أنا كمان لأن كرامتي أهم.
وقبل أن يرد… توقف شاب أنيق بسيارته بجوارهما ابتسم وهو ينظر إلى ليان: آنسة ليان أنا كريم، المهندس اللي جه يشرف على تطوير المدرسة رحت المدرسة قالولي لسه خارجة ليا نصيب أقابل حضرتك.
ابتسمت مجاملة: أهلاً بحضرتك.
قال كريم: كنت عايز أسأل حضرتك عن شوية حاجات لو ينفع نشرب قهوة ونتكلم.
لم تنتبه ليان إلى شئ ما، لكن عاصم انتبه لكل شيء لنظرة كريم ولابتسامته ولأهتمامه الواضح.
