عشق الصقر ٢

عضت علي شفتيها و قالت : … مش بدري اوي بس
وصمتت قليلا قائله : وأنا كمان عايزاك اول حد يشوفني بيه
اجابها بعبث : طيب بسيطه هاجييلك
هتفت كارما وقاالت : لا لا تيجي فين اوعي
استمعت لضحكته هاتفا : انتي جبانه علي فكرة، علي العموم باليل هاشوف الفستان وصاحبه الفستان وعيون صاحبه الفستان
بخجل ووضحكه بملئ وجهها : ايه إيه بس خلاص الله
_ كارما
_ نعم
_ راضيه انك هاتكوني مراتي ؟
استمع لتنهيدتها و عينيها تحكي خبايا قلبها بحبه، اضطرب قلبها بدقاته مستشعره الكلمه و معناها، عدة ساعات قليله و تصبح زوجته علي سنه الله.
استمع لهمسها الخافت وهي تقول : راضيه يا صقر، راضيه بكل اللي جاي بس و انت جمبي ، راضيه بكل حاجه انت فيها
استمعت لضحكته الخافته بصبرآ نفذ متمتآ لها : و كأن الوقت بيعاند فيا يا بنت عمي
عضت علي شفتيها و قالت : صقر، بيستعجلوني تحت
اجابها بعد بره بصوتآ شجي : اشوفك باليل
اغلقت هاتفها و وضعت يدها علي قلبها في حماس شديد لقدم الليل .
،،،،،،،،،،،،،،،
اما عند العروسان الاخرين
هاتفت زهره كريم بعد تأخره عن ميعاد قدومه مستائله: وصلت لفين يا كريم

اجابها كريم اثناء قيادته بحماس لقرب الوقت المعلوم : خلاص انا علي اول البلد. امي معايا اهي بتسلم عليكي
اجابته زهر بود : الله يسلمها
قال كريم بصوت منخفضا : عحبتك الهديه.
اجابته مبتسمه : ايوه جميل تسلم ايدك
هتف لها برقه : تسلميلي انتي ياروح قلبي
التفت حول نفسها و قالت بتوبيخ خجول : كريم، بس بقي
شاكسها كريم و قال : بس ايه ده انا خللت حرام عليكوا مش كنا عملنا فرح بالمره و خلاص
بادلته المرح قائله : الله مش لازم ناخد علي بعض الاول
نهرها باسلوبا مضحك: ناخد علي ايه ياختي ده انا يعتبر مربيكي وقلبي اللي اتشحتف عليكي من و انتي بضافير
شاكسته بدلال و قالت : اتشحتف. ؟؟ وانا مايهونش عليا تتشحتف يا حبيبي

استوقفها علي الفور و قائلا: قولتي ايه، قولي تاني كده و النبي
_كريم بل
قاطعها برجاء : قولي يا زهره
صمتت لبره و همست له : حبيبي

كان رده عليه مهللا : يا بركة دعاكي ياما، بت اقفلي يابت انا جايلك و علي الله تحطي وضع الصامت
كتمت ضحكتها بصعوبة و قالت : طيب، طيب سلام.
،،،،،،،،،،،، ،،،،
اخرج هاتفه المستمر برنينه من جلبابه ، اجاب صقر علي هاتفه قائلا: كنت عارف انك هتكلمني
قال له عيد مهنئآ : حبيت ابارك، ربنا يتمم بخير يا صقر
تسائل صقر قائلا: ما نزلتش ليه يا عيد
اجابه عيد بحرج: مش هاعرف احط عيني في عينك يا صقر
هتف به صقر : مش انت يا عيد اللي تقول كده، انا مش ناسيلك اللي عملته معايا و في رقبتي ، و كمان الورقه اللي بعتهالي
قال عيد بتردد: غلط ابويا ما يتنسيش و في وشي ، كان لازم انت اللي تنهيها بالطريقه اللي ترضيك
قال صقر بثقل بعد صمت كلاهما : الغلط عندنا كمان يا عيد ، الورقه قطعتها و انت تنزل بلدك وقت ماتحب و ابقي خلينا نشوفك ، دار الجارحي دارك
قال له عيد بامتنان : تعيش يا صقر، ربنا يتمم بخير
،،،،،،،، ،،،،