روايه للكاتبه هدير نور الدين الجزء الاخير
قاطعها قائلاً ببرود
=عايز اشوفك… فى موضوع مهم عايز اتكلم معاكى فيه
ليكمل سريعاً عندما همت بالرفض
=و قبل ما ترفضى.. فكرى كويس فى جوزك و لو عرف هيعمل فيكى ايه.. معايا تسجيلات كل مكالمتنا و اتفاقنا…
انسابت دموعها على خدييها و كامل جسدها اخذ يرتجف بعن,,ف التقطت نفساً طويلاً محاولة تهدئة نفسها قبل ان تهمس
=انا… انا نازلة المنصورة مع جابر اشوف ماما فى مستشفى الـ….. اول ما جابر يسيبنى هكلمك و نتقابل
لتكمل بصوت حاولت جعله حاد وصارم قد الامكان
=هما 5 دقايق يا كرم و مفيش دقيقة زيادة….
همهم كرم بالموافقة مغلقاً معها ثم اخذ نفساً طويلاً متراجعاً الى الخلف فى مقعده وابتسامة واسعة ترتسم على شفتيه مهمهماً بصوت منخفض محدثاً نفسه
=والله و وقعتى يا بنت مجاهد… فاكرانى هرحمك…
ليكمل بقسـ . ـوة وعينيه تلتمع بالغض,,ب
=ارحمك ازاى… بعد ما سلمتى نفسك لراجل تانى وح,,رقتى قلبى بن,,ارك…
والله لأهد الدنيا فوق دماغك و اخليه يرميكى رمية الكلاب فى الشارع
همس وعينيه تلتمع بالجـ . ـنون
=وقتها مش هتلاقى غيرى.. يلمك من الشوارع…
هز رأسه اعجاباً بفكرته تلك نهض مسرعاً كى يتجهز و النظرة الجـ . ـنونية مرتسمة بعينيه
༺༺༻༻༻༻
فى وقت لاحق
وقف جابر مع غزل امام المشفى محتضنا يديها بين يديه
=هسيبك تقضى اليوم مع مامتك انا متفق مع الممـ . ـرضات على كل حاجة و هياخدوا بالهم منك اى حاجة تعوزيها تطلبيهم منهم على طول…
ليكمل وهو يمد يده بجيب سترته مخرجاً حافظته واخرج مبلغ كبير من المال وضعه بيدها
=خلى الفلوس دى معاكى…
رفضت غزل اخذها منه قائلة بارتباك
=لا يا جابر انا مش محتاجة فلوس
وضعهم بيدها قائلاً بتصميم
=خليهم معاكى.. اعتبريهم مصروف الاسبوع بتاعك لو احتاجتى حاجة تجبيها
اومأت رأسها و خدييها يشتعلان بخجل هامسة
=شكراً يا حبيبى..
ابتسم جابر قائلاً وعينيه تلتمع بالرغبة و الشغف
=يا دينى على حبيبى دى يا ناس انا لو فى البيت كنت اكلتك اكل
اشتعل وجـ . ـنتيها بالخجل اكثر مما جعل جابر يبتسم ربت على خدها بلمسة خفيفة قبل ان يدفعها بلطف نحو باب المشفى..وقف و ظل منتظراً حتى اطمئن انها اختفت داخل المشفى بأمان قبل ان يستدير و يصعد الي سيارته و يغادر….
༺༺༺༺༻༻༻༻
كادت غزل ان تصل الى غرفة والدتها عندما اتصل بها كرم و اخبرها انه ينتظرها عند الباب الخلفى للمشفى و انه بانتظارها ذهبت اليه على الفور اخبرها ان تصعد الى السيارة حتى يتمكنوا من التحدث لكنها رفضت و اصرت بالتحدث معه بالخارج
