يونس بقلم اسراءعلي 3

-خير البر عاجله..

تنحنح لينتبه إليه رفعت..أبعد النظارة الطبية عن عيناه..ثم قال بـ إبتسامة

-حمد لله ع السلامة يا سيادة الرائد
-جلس عدي جانبه وقال بـ إبتسامة:الله يسلمك يا سيادة العقيد

أماء بـ رأسه فـ تساءل عدي بـ صوتٍ شبه متوتر

-أومال ماما فين؟!
-أجابه رفعت:نامت من شوية..كانت مستنياك بس لما أخدت الدوا..أنت عارف بيخليها تنام

هز رأسه بـ تفهم..وقبل أن يتشدق كان رفعت قد سبقه

-أكلت فـ الشغل ولا أقوم أسخنلك الأكل

ربت عدي على يد والده ومن ثم قبلها..وقال بـ إبتسامة ودودة

-ربنا يخليك يا حج أنا كلت فـ الشغل
-تمام

ثم عاد يرتدي نظارته الطيبة ليُكمل قراءة..حمحم عدي لينتبه إليه والده. عاد ينزع نظارته وقال بـ نفاذ صبر

-قول اللي عندك يا عدي
-إتسعت إبتسامة عدي وهو يتشدق بـ حماس:هو دا أبويا اللي فاهمني
-إلتوى ثغر رفعت بـ تهكم:أخلص يا بن رفعت

إعتدل عدي في جلسته ثم تنحنح مرة أخر وهتف بـ مرح

-أبا أنا عايز أتدوز (أتجوز)

قهقه رفعت بـ ملئ فيه..وكذلك شاركه عدي الضحك..ليتحدث الأول من بين ضحكاته

-بجد يا سي عدي!..هتتجوز

أماء عدي بـ رأسه ليعود ويسأله

-أعرفها أنا!!

هز رأسه بـ نفي..فـ تساءل رفعت

-أومال تعرفها منين!
-وضع يده خلف عنقه وقال:تقدر تقول بتشتغل معايا

همّ رفعت بـ سؤاله ولكن الطرقات على الباب أوقفتهم..نهض عدي وقال بـ جدية

-خليك يا بابا أنا هفتح..

ثم تحرك عدي وإتجه ناحية الباب..فتحه ليعقد ما بين حاجبيه وهو يُحدق بـ أؤلئك الذين يرتدون زي رسمي التابع لقوات الجيش..أنتهى عدي من تفحصه وتساءل بـ جمود

-نعم!

تشدق أحدهم وهو يعقد يداه أمامه بـ نبرة دبلوماسية

-العقيد رفعت أبو شادي موجود!
-عقد ما بين حاجبيه أكثر وهتف:أيوة..عاوزين منه إيه!

نزل قول ذاك الشرطي على مسامعه كـ وقع الصاعقة وهو يُخبره بما جاء من أجله

-مطلوب القبض عليه…

يونس 23

نهض رفعت ما أن سمع اسمه وتوجه ناحية الباب..ليجد عدي يقف جامدًا يرمق صاحب الزي العسكري بـ نظرة أكثر جمودًا..هز إبنه من منكبه وتساءل بـ تقطيبة حاجب

-خير يا عدي؟..في إيه!

لم يتحدث عدي بل تولى الحديث صاحب الزي العسكري قائلًا بـ دبلوماسية

-سيادة العقيد..مطلوب القبض عليك

إرتفع حاجباه بـ دهشة ولم يرد فـ قد جمدت الصدمة لسانه..وأخيرًا إنفكت عقدة لسان ذاك الجامد وقال بـ نارية