يونس بقلم اسراءعلي 3

رفعت يدها ثم قبلت الحلقة مرة وأثنان وثلاثة..ثم هتفت بـ ندم حقيقي وهى تُحدق بها

-يارتني أكتشفت مشاعري من زمان..يارتني أول أما شوفته كنت قولتله بحبك…

إبتسمت ثم هتفت بـ عزيمة

-بس لما ترجعلي بـ السلامة إن شاء الله ههريك بيها..والله لزهقك منها…
-مين دا اللي هيزهقك!

قالها إسلام بـ مرح وهو يدلف إلى شقيقته..أما هى أخفت يدها بـ جانبها وأخفت توترها سريعًا ثم قالت بـ مزاحها المُعتاد

-أنت..هخليك تزهق من بتول أختك…

تقدم منها وهو يبتسم ثم جلس بـ جانبها وقبلها على وجنتها..ليقول بـ حب

-أنا عمري ما أزهق منك..لما بعدتي عني..حسيت بقيمتك أوي..حسيت أني ناقص من غيرك يا ست البنات

إبتسمت بـ سعادة وردت له قُبلته بـ أخرى رقيقة..ثم أمسكت يده وقالت بـ حبٍ جارف

-وأنا مقدرش أتخلى عنك يا ابويا إسلام…

وكزته في كتفه وقالت

-دا أنت اللي مربيني يا جدع…

ضحك ثم جذبها إلى أحضانه وأخذ يربت على خُصلاتها..وإستندت بـ رأسها على منكبه..سمعته يتحدث

-بتول كنت عاوزك فـ موضوع

إبتعدت عنه وقالت بـ عقدة حاجب

-قول يا إسلام سمعاك
-أمسك يدها وقال:أنتي عارفة أني بحبك وأبعد عنك أي حاجة أحس أنها هتضرك..فـ عشان كدا..آآ

صمت ولم يستطع أن يُكمل..فهو يعلم كم تُحب عز الدين..أو كانت تُحبه..إبتسمت بتول بـ هدوء..وضغطت على يده ثم قالت

-كمل سمعاك
-إبتلع ريقه وقال:عاوزك تفسخي خطوبتك من عز…

كادت أن ترد عليه..إلا أنها سمعت صوتًا غريب بـ الخارج..نهضت وقالت بـ جدية

-تعالَ نشوف مين بره وهبقى أقولك ردي…

ودلفا إلى الخارج وهى تُمسك يد أخيها..ولكنها تصلبت بـ مكانها..شددتومن قبضتها على قبضة أخيها وقد بدأت تشعر بـ برودة..لتهمس بـ جزع لم تلتقطه الآذان

-عز الدين!!!

يتبع…