روايه كامله للكاتبه شروق خالد

«أنا.» ياسين قال: «ليه؟» قالت: «علشان أخلي آدم يظهر.» آدم صرخ: «كنتِ بتستخدميّني؟» «كنت بحاول أحميك. » «من مين؟» زينب قالت: «من أبوك الحقيقي.» سكت آدم.«إنتوا قلتوا إنه مـ,ـات.» «أيوه.» «يبقى مين؟» زينب بصت ناحية الرجل. الرجل قال: «أنا.» آدم اتجمد.«إنت أبويا؟» «أيوه.» آدم ضحك بمرارة.«بس إنت قلت إنك أبو ياسين.» الرجل قال: «أنا أبو ياسين… وأبوك.» ياسين بص له.«يعني إحنا إخوات.» «أيوه.» ثم أشار لمريم.«وهي أختكم.» أنا قعدت على الكرسي. كل حياتي اتغيرت في دقائق.

لكن قبل ما أقدر أتكلم، صوت تصفيق اتسمع من الباب. واحد…اتنين…تلاتة…لفينا. عم ياسين كان واقف. والشرطة اللي كانت معانا…ماكانتش موجودة. ابتسم وقال: «كفاية أسرار.» ياسين رفع سلاحه.«إنت إزاي خرجت؟» ضحك.«الشرطة اللي قبضت عليا كانت رجالي.» اتصدمت. زينب قالت: «قلتلكم… هو مش هيسيبنا.» العم قرب.«أنا جاي آخد مريم.» ياسين وقف قدامي.«مش هتاخدها.» العم ابتسم.«مش محتاج آخدها.» ثم أخرج ورقة.«هي هتيجي معايا بنفسها.

زينب شهقت: «لا…» بصيت لها.«مين؟» قالت بصوت مرتعش: «أم ياسين…» وساد الصمت.#حكايات_شروق_خالدالصرخة كانت لسه بتتردد في البيت. ياسين اندفع ناحية الباب.«أمي؟!» زينب مسكته.«استنى!» «سيبيني!» «دي ممكن تكون خدعة.» لكن ياسين زق إيدها وخرج. أنا وآدم وراه. بره البيت كان فيه عربية سودا واقفة، والباب الخلفي مفتوح. مفيش حد. ياسين وقف مكانه.«ماما!» وفجأة سمعنا صوتها.«ياسين!» جاي من البيت الصغير اللي ورا الحديقة. جرينا كلنا. فتحنا الباب…وكانت والدة ياسين قاعدة على كرسي، وإيديها مربوطين. لكنها كانت عايشة. ياسين جري عليها.«ماما!» دموعها نزلت وهي بتبص له.«إنت عايش يا ابني.

..» «أيوه.» فك الحبل. ثم سألها: «مين عمل فيكي كده؟» بصت ناحيتي.«هو.» «مين؟» «أخوك.» ياسين اتجمد.«آدم؟» آدم قال بسرعة: «أنا ماعملتش حاجة.» لكن أمه قالت: «مش آدم.» وأشارت ناحية البيت.«عمك.» دخلنا كلنا. العم كان اختفى. زينب قالت: «هرب.» لكن والدته هزت راسها.«هو ماجاش علشان يخطفني.» ياسين سألها: «أمال ليه؟» «كان عايزني أقول لكم الحقيقة.» «أي حقيقة؟» بصت لي.«عن مريم.» قلبي دق بسرعة.«أنا؟» هزت راسها.«أبوك ماكانش أبوها. » أنا بصيت لياسين.«عرفنا ده.» «لأ.» صوتها كان ضعيف.«إنتوا فهمتوا غلط.» ثم أخرجت صورة قديمة من جيبها. مدتها لي. في الصورة كانت ست شابة، واقفة جنب راجل.