روايه كامله للكاتبه شروق خالد

وبعدين للراجل المصاب على الأرض. وفجأة فهمت ليه أبويا كان خايف طول عمره. وفهمت ليه كل الناس كانت بتحاول تمنعني من معرفة الحقيقة. لكن كان فيه سؤال واحد بس بيلف في دماغي: لو الراجل اللي على التليفون هو أبويا الحقيقي… يبقى مين الراجل اللي رباني كل السنين دي؟#حكايات_شروق_خالدفضلت واقفة مش قادرة أتحرك. السؤال كان بيخبط في دماغي: مين الراجل اللي رباني؟أبويا حسن؟ولا الراجل اللي على التليفون؟ولا إن كل اللي عشته كان كذبة كبيرة؟

ياسين كان باصصلي، وشه مليان صدمة. «مريم… ماتصدقيش أي كلمة قالها.» بصيت له.«بس إنت سمعت.» «سمعت واحد بيحاول يوقعنا في بعض.» آدم قرب مني وقال: «لازم نعرف الحقيقة من التسجيلات، مش من كلامه.» فجأة عم ياسين ضحك. ياسين بصله.«إنت بتضحك على إيه؟» قال: «لأنكم صدقتوا أهم كذبة.» «أنهي كذبة؟

» «إن حسن هو أبو مريم.» اتجمدت.«إنت بتقول إيه؟» بصلي مباشرة.«حسن ربّاكي… لكنه مش أبوكي الحقيقي.» حسيت إن نفسي اتقطع.«لا.» «أمك كانت متجوزة حسن… لكن قبل جوازها منه كانت حامل.» ياسين قال: «بابا هو أبو مريم؟» عمه هز راسه.«أيوه.» آدم قال: «يبقى التسجيل ماكانش كدب.» عمه رد: «لأ. بس الراجل اللي اتصل بيكم ماقالش الحقيقة كاملة.

» أنا قربت منه.«أبويا الحقيقي مين؟» سكت.«قول!» رفع عينه لي.«أبو ياسين.» المكان كله سكت. بصيت لياسين. هو كمان كان مصدوم.«يعني… مريم أختي؟» عمه قال: «من ناحية الأب.» رجعت خطوة.«لا… لا، مستحيل.» دموعي نزلت.«أبويا كان طول الوقت عارف؟» «أيوه.» «وحسن؟» «كان عارف.» «وأمي؟» سكت. ثم قال: «أمك مـ,ـاتت وهي بتحاول تحميكي.» حسيت بركبتي بتضعف. ياسين قرب مني.«مريم…» بعدت عنه.«ماتقربش.» اتجمد مكانه. قلت وأنا بعيط: «كل حاجة حواليا طلعت كدب.» آدم قال: «مريم، استني.» بصيت له. «إنت أخوه.» هز راسه.«أيوه.» «وهو أخويا.

» بص لياسين.«أيوه.» ضحكت وسط دموعي.«وأبويا هو أبوكم.» محدش رد. فجأة الموبايل اللي كان في إيد ياسين رن تاني. الاسم ظهر: أبو مريم ياسين بصلي.«هرد.» هزيت راسي. ضغط استقبال.«عايز إيه؟» الصوت قال: «عايز بنتي.» ياسين رد بغضب: «مش هتلمسها.» الصوت ضحك.«إنت لسه فاكر إنها أختك؟ » ياسين سكت. الصوت كمل: «لو عايز تعرف أمك ماـ,ـتت إزاي، هاتها للمخزن القديم في الميناء.