ريحانة الجنة 2
يارا: لا مالوش لزوم. انا اتطمنت عليها النهاردة الحمد لله. وبعد اسبوع اشوفها تاني….بس المهم تاكل كويس…
فاطمة بمكر امومي: طيب ما نجبهالك العيادة بتاعتك احسن…
يارا تبسمت: والله اللي يعجبكم انا تحت امركم تعالوا مكان ما تحبوا…
فاطمة: خلاص نجبها العيادة الاسبوع اللي جاي
يارا: تمام. عن اذنكم
فاطمة: استني لما انزل اوصلك.
وخرجت معها لتوصلها الي الاسفل. واثناء هبوطهم الدرجات
فاطمة: قوليلي يا يارا. ايه رئيك في زين ابني
خفق قبل يارا لسماعها اسمه فهو مقل حضرته يقلب كيانها ويربكها .
يارا بخجل وارتباك: احمممم. رئي ازاي يعني
فاطمة بمكر: يعني شكله اسلوبه كلامه كدة يعني.
يارا: والله حضرة الظابط انسان محترم وخلوق وانا بحترمه والكام مرة اللي شوفته فيهم بأعجب بشخصيته جداااا. ربنا يخليه لحضرتك هو واخوه
فاطمة بإرتياح: انتي كمان انا ربنا عالم حبيتك ازاي . اكنك بنتي زي ديچة تمام. وان شاء الله قريب تبقي زيها في كل حاجة.
خفق قلبها بسعادة وهي تستمع الي تلميحات فاطمة.
يارا: طيب استأذن انا بقي واشوف حضرتك الاسبوع اللي جاي بإذن الله
فاطمةغمزت لها : ان شاء الله نتقابل قبلها وعندكم في البيت بس قولي يارب
خجلت واحمر وجهها من هذا الموقف التي هي فيه. وهرولت من امامها بسرعة ووجهها يشع احمرار وسخونة.
ضحكت فاطمة ملئ قلبها علي خجل يارا. وتمنتها زوجة لابنها زين
فاطمة: يارب تكون من نصيبك يازين يا ابني يارب. وافرح بيك زي اخوك.
…………………………………………
كانت شاردة الزهن مازالت لا تعرف حقيقة شعورها . اهي سعيدة. بخبر حملها ام حزينة. احقا سوف تصبح ام من غير حبيبها. احقا كتب عليها ان تظل زوجة له وتظل تعيش مع حبيبها في بيت واحد. احقا ستظل تتعذب وهي تراه امامها كل يوم وهو غريب عنها كيف! ؟
احقا ليس هناك اخر ولا نهاية لعذابها !…
احقا ستظل تتعذب وتظل اسيرة العشق المستحيل!
اااااااااه ياربي.
الي متي!!! ؟
الي متي!!!!؟
كانت شاردة لم تسمع حرف من ما قاله مروان وهو يتحدث بحماسة وسعادة كان يثرثر بالكثير من الكلام . الي ان انتبه هو لشرودها وعدم وعيها لحديثه فحثها علي الانتباه له بهزها بخفة..
مروان: ديچة . حبيبتي انتي كويسة مالك. سرحانة في ايه!!!؟
اخيرا انتبهت له وكأنه يأتي بها من بئر عميق معتم: هاه. بتقول حاجة يا مروان
