ريحانة الجنة 2

كلما تذكر كيف جاء هذا الجنين .
كيف كانت حبيبته بين احضان اخيه….كيف كانت سعيدة ومستجيبة…

خرچت ااااااه من صدره مريرة محملة بالوجع والجرح والغيرة .

هبط الدرجات بسرعة وجنون. واستقل سيارته وصار من غير هدي. لا يعرف الي اين يذهب. ولا الي من يشكو.
…………………………………………

كان يحتضنها بقوة ويقبلها بجنون من وجنتيهااا…
وهو لا يصدق ما سمعه لتوه. احقا زوجته حامل يالله . كم انت كريم . كم انت رحيم.
ترزقني بزوجة مثل خديچة وتقف بجانبي وتعينني علي التعافي مما ابتليت. واتعافي بصحة من دون ان يفضح امري. والان ترزقني بطفل . ومن من!!!؟ من خديچة حبيبتي التي لو جوبت الارض لن احظي بمثلها…

يارا: ههههههههه. لا بالراحة عليها يا استاذ مروان. خديچة ضعيفة ومحتاجة الراحة والغذا.

مروان اخيرا تمالك اعصابه وابعدها عن احضانه وقبل جبينها برفق: حاضر .. حاضر..ماتقلقيش… انا بنفسي هخلي بالي منها . بببس هو حضرتك متأكدة . انها حامل مش بيتهيألك…!!؟

يارا: ههههههههههه. لا والله متأكدة هي حامل.فعلا..

مروان حك رأسه بإحراج وابتسم: اصل بصراحة دايما اشوف الحكاية دي في الافلام. الدكتور يكشف ويقول حامل نفسي اعرف كانوا بيعرفوا ازاي.!!؟

يارا وهي تحاول ان تكتم ضحكة قوية علي سؤاله: بصراحة انا معرفش هما كانوا بيعرفوا ازاي. انا هتكلم عن اللي انا متأكدة منه. طبعا انا سألتها شوية اسألة وضحتلي الموضوع والاعراض اللي بتشتكي منها وكمان عملتلها تحليل دايما بيكون معايا بحكم شغلي. ده كله غير اني سمعتها هي ووالدتك صوت نبضات الجنين…

مروان بدهشة: بجد ازاي… طططيب ممنكن اسمعه انا كمان..ارجوكي….!!؟

ابتسمت له واومأت بخفة واخرجت جهاز صغير من حقيبتها. ووضعته علي بطن خديچة وصدع صوت دقات الجنين ينبض بقوة
كانت علامات الدهشة والفرحة تكسوا وجهه. ودمعت عينيه…بفرح وقلب يحلق بين السحاااب…وهو يستمع لنبض ابنه بين احشاء زوجته . كم رائعة هذه اللحظة حقا….لحظة بالدنيا وما فيها…

يارا اطفأت الجهاز ووضعته في حقيبتها. والتفتت اليهم.

يارا: طبعا تمشي علي الدواء ده. والتعليمات كمان كويس . وبعد اسبوع تجيني المستشفي ونعمل 4D. ونعمل التحاليل المطلوبة….
ونطمن علي البيبي…

مروان بتأكيد : طبعا طبعا. ولو عايزاها من بكرة كمان اجبها لحضرتك. انا تحت امر ديچة حبيبتي المهم صحتها….