ريحانة الجنة 2
مروان ابتسم: يااااه. بقول حاجة ده انا ريقي نشف يا شيخة وانا بكلمك. بس ولا يهمك. المهم مالك حاسك مش مبسوطة بالحمل!!؟
خديچة بإرتباك: لا طبعا ازاي تقول كدة.
اانا مبسوطة جدااا.
مروان بحيرة: اومال مالك مش بتتكلمي ولا حتي باين عليكي الفرحة.!!؟
خديچة اغمضت عينيها وهي تلعن نفسها انها اوصلت له هذا الشعور…
ااااه من غبائك يا ساذجة….كيف لم تنتبهي….لما تچرحيه هكذا….الم تري عينيك فرحته بك وبچنينك….ملعون عشقك المستحيل الذي غفلكي بهذا الشكل…
خديچة: لا ابدا. اصلي بصراحة خايفة مش عارفة افهم احساسي احنا اتجوزنا بسرعة . ودلوقتي حامل . ودراستي مش عارفة انا حاسة اني متلخبطة…
مروان ابتسم وربط علي يدها يطمئنها: حبيبتي لو علي الحمل.. احنا كلنا جنبك. انا وماما وكمان مامتك مش هنسيبك. والمذاكرة. انا هوصلك دايما زي ما كنت بعمل واليوم اللي ماتقدريش تروحي الجامعة. اقعدي في البيت وانا اجبلك المحاضرات لحد هنا. واخلي زين يشرحهالك ايه ريئك…
خفق قلبها لذكره. وخافت ان تجلس معه ايضا ويشرح لها لا لا لن تتحمل هي لابد لها ان تتجنبه قدر الامكان لابد ان تقاوم شعورها نحوه . لابد ان تدفن عشقها له فهي اصبحت زوجة وام في المستقبل القريب. لابد ان تتحكم في قلبها الملعون بأي شكل…
خديچة بشئ من الغضب: لا لا. شكرا انا مش عايزة حد يشرحلي حاجة انا ان شاء الله هبقي كويسة واقدر اروح الجامعة. ربنا يسهل…
مروان جذبها لاحضانه وهو يتنفس راحة.
مروان: ااااااه يا ديچة انا مش قادر اوصفلك فرحتي بحملك ازاي. انا بجد محظوظ بيكي. انتي نورتي حياتي غيرتيني بجد ….انتي حياة ودنيا جديدة…اجمل دنيا…. انا بحبك بحبك.
خديچة: زرفت دمعة ندم والم من عينيها وهي تستمع لحديثه. فهو اصبح يستحق حبها ووفائها له. ولكن لعنة الله علي القلب الخائن. الذي لا نستطيع التحكم به ليتنا تستطيع وهبه لمن يحبنا وليس لمن احببناه ولم يشعر بنا. اااااه منك يا قلب فأنت لك قانون خاص بك تفعل ما يحلو لك.
وصدق من قال القلب ليس له سلطان هو سلطان نفسه…هو سيد مملكته يتملك ويأمر والچوارح تطيع في صمت وزل….
شعر بدموعها وصمتها مد انامله ورفع وجهها ليقابل عسليتها الحزينة..
مروان بحب والم في آن واحد: انا عارف انك مش بتحبيني زي ما بحبك. ولحد النهاردة مش عارف السبب اللي خلاكي تتجوزيني وانتي مش بتحبيني. بس كل اللي عايزك تفهميه. اني يمكن ماحبتكيش في الاول كنت معجب بيكي وبس. بس والله العظيم حبيتك من كل قلبي. وعايزك تديني فرصة اخليكي تحبيني او علي الاقل تحبي عشرتي واكون ليكي الزوج والسند وعمري ما هطلب منك فوق طاقتك. ومش هطلب اسمع منك كلمة بحبك. عايزك يوم ماتقوليها تكوني حساها. ولو ماحستيهاش ماتقوليهاش. كفاية انك تبتسمي في وشي. واوعدك اكون اب تفتخري بيه لابنك اوبنتك اللي جاي. بس انتي كمان توعديني تحاولي تحبيني ممكن.وانا هساعدك.. بس حاااولي علشان خاطر ابننا اللي جاي…
