ريحانة الجنة 2

خديچة بعصبية: لا معلش اصلي عندي مذاكرة اسهروا انتوا براحتكم.

فاطمة : طيب ما تقعدي معانا ونتعشي كلنا مع بعض. واهو زين يساعدك في مذاكرتك لحد مايارا ترجع ونتعشي اقعدي بس واسمعي الكلام .

خديچة بإحراج: لا مماعلش مش عايزة اتعب زين . انا هطلع اذاكر ولما يارا تيجي ابقي انزل اتعشي معاكم…

قام زين ووقف امامها وهو مشاق لها :ومين قالك اني هتعب انا يا ستي تحت امرك . اتعبيني زي ما يعجبك . تعالي بس واسمعي الكلام..

جلست وقلبها ينبض بقوة من مكوثها معه في مكان واحد .

قامت فاطمة: انا هروح اجهز الاكل مع ام احمد لحد ما يارا ترجع.
وهبعتلكم شاي..

.

جلس علي المقعد المجاور لها .
زين : هاه يا ستي قوليلي بقي كنتي بتذاكري ايه..

خديچة جاهدت لتجد صوتها فقربه اربكها وعطره افقدها صوابها وودت لو فرت هاربة من امامه . ولكن حاولت التماسك . لكي لا تلفت الانظار والشكوك..

خديچة: احمممم. قانون

زين: امممم قانون. دي من اتقل المواد فعلا. بس ولا يهمك انا هقولك علي طريقة تسهل عليكي حفظ القوانين تمام.

خديچة بدقات قلب مجنونة خائفة :تمام

زين بسعادة : شوفي بقي يا ستي …………. .

كان يشرح لها وهي تحاول التركيز قدر الامكان. وهو ايضا كان يجاهد ليبدوا في منتهي التركيز فيما يقول . بالرغم من انه بداخله صراع قوي . بين انها حبيبته وعشق روحه. وبين انها زوجة اخيه وحامل ايضا في ابنه…ولكن القلب…اااااه من القلب وحكمه ودقاته التي تدق بإسمها هي دون غيرها….

زين تبسم بهدوء : هاه يا ست البنات فهمتي كدة.

خديچة تبسمت بإعجاب : بصراحة اه.فهمت… انت محاضر رائع . والله خسارة انك مش دكتور في الجامعة. بدل الدكاترة الخنيقة اللي بتدرسلنا.

زين قهقه علي عبثها وهي تذكر محاضريها..: هههههههههه. لا بجد . لا ياستي انا كفاية عليا شغل الدخلية رغم صعوبته بس بلاقي نفسي فيه…

ونظر في عينيها بحب. بس قوليلي لو كنت بدرس عندكم في الجامعة كنت هبقي دكتور مريح ولا خنيق. وانتي واصحابك تقطعوا في فروتي….

خديچة : هههههههههه. لا لا ما تقلقش كانوا هيحبوك .
ثم سرحت في بحر عيناه. بس المشكلة انهم كانوا هيسيبوا المحاضرة ويسبلولك.هيسرحوا في عنيك ووسامتك..وهدوئك ورجولتك…هيضيعوا في رجواتك وثباتك اللي يجبروا اي حد انه يعجب ويتعلق بيك…