ريحانة الجنة 2

تفاجأ هما من اقتحامها الغرفة بهذا الشكل السئ.

دفعته هي ليبتعد عنها وهي خجلة من هذه الواقفة امامهم تأكلهم بعينيها. وسحبت ملابسها الملقاه بجوارها لتداري بها جسدها العاري من اعين هذه المتطفلة.

اما هو فقد غضب بقوة واصبحت عيناه كجمرا من نار غيظا وغضبا من هذه الغبية التي لم تراعي حرمة الابواب المغلقة…ها هي تعيد الغلطة من جديد..ولكن هذه المرة هي تجاوزت كل الحدود..

استقام وهجم عليها يقبض علي ذراعها بقوة وغضب وهدر بها بصوت عالي غاضب.

زين: انتي اتجننتي انتي ازاي تدخلي كدة من غير ما تخبطي. انتي ايه غبية . ماحدش علمك ازاي تستأذني.

نفضت يداه بقوة وغضب : اسفة قطعت عليكم وصلة العشق اللي كنتم فيها . بس يا استاذ انت والهانم خطافة الرجالة. ناسين ان الليلة دي ليلتي انا ومش من حقها تاخدك مني .

لم يحتمل ان تهينها امامه بهذا الشكل. فليكفي اهانة وجرح لها..هو تحملها وصبر عليها قبل ذالك مرارا…ولكن هي تتمادي وتزيد من جنونها ووقاحتها…

ورفع يداه وهبط علي خدها بصفعة قوية غاضبة ثم قبض علي ذراعها بشدة.

زين: القلم ده علشان يفوقك لانك واضح انك سوقتي فيها وافتكرتي اني بعملك حساب. وعلشان كمان ماتغلطيش فيها تاني . هي مش خطافة رجالة وانا مش لعبة في ايدك علشان حد يخطفني منك.
وحتي لو دي ليلتك ده مايدكيش الحق ابدااا انك تتهجمي

علينا بالشكل ده. وبعدين مين قالك اصلا اني ناسي. بس مش معني انها ليلتك اني ممنوع اشوفها ولا ادخل اوضتها فاهمة ولا لا واياك تتكررتاني

صدمت يارا من هذه الصفعة التي تناولتها منه الان. فهي لم تنخيل ابدا انه من الممكن في يوم ان يمد يده عليها ويضربها بهذا الشكل . وضعت يدها علي وجنتها محل الصفعة وهي تبكي.

يارا: كدة يا زين بتضربني انا علشانها. ايوة طبعا ليك حق تحاميلها ماهي اللي هتجيبلك الولد لازم تبقي ست البيت

زين بعصبية: انتي غبية وعايزة تفهميها كدة انتي حرة براحتك . بس انا عمري ما اذيتك من يوم ما اتجوزتك ولا حتي لما اتجوزت خديچة عمري ما جيت عليكي ولا علي حق من حقوقك. وبعاملك بمنتهي الزوق ومش بحب ازعلك. بس لو ده هيتفهم ضعف مني يبقي لا فوقي مش انا ودلوقتي اتفضلي علي اوضتك واياك تكرريها تاني وتدخلي كدة من غير استاذان. اتفضلي.

خرجت بغضب تضرب الارض بقدميها بقوة .
واغلق الباب خلفها والتفت الي هذه الجالسة ارضا تنكس راسها وتبكي في صمت اتجه اليها وجثي بجوارها ورفع وجهها ليقابل عسليتها الحزينة الدامعة.