ريحانة الجنة 2
وما ان وصلو المشفي وادخلها بيده للداخل واخذوها منه لتجهزيها للدخول للعمليات. ذهب لزوجته وبرجاء…
زين برجاء : يااارا ارجوكي خالي بالك منها لو بتحبيني اوعي ديچة يجرالها حاجة….فاهمة!!!
كانت تحاول ان تكتم غيرتها وهي تري الخوف والفزع يطلان من عينيه عليها بهذا الشكل..
يارا ببرود مصطنع: ماتقلقش انا هقوم بواجبي لاني دكتورة . مش علشان خاطرك…هي زيها زي اي مريضة بولدها….عن اذنك..
شعر بإحراج واستند بظهره للحائط وفهم مغزي حديثها فهي تبدوا عليها الغيرة. وتيقن ان مشاعره فضحته اثناء خوفه عليها….ولكن لايهم….ما يهم الان هي….صغيرتي تخرج بخير لا تتتأذي…نعم هذا اهم شئ…..
ذهبت له والدته وهي تربط علي كتفه..بهدوء وحزن..وقد تسرب خيط الحقيقة لقلبها…
فاطمة بحنان: زين يا حبيبي كلمت اخوك وقولتله.!!!
ضرب مقدمة رأسه بقوة فهو نسي تماما ان يهاتف اخاه ويخبره بولادة خديچة.
فلهفته عليها انسته كل شئ. اخرج هاتفه وقام بالاتصال بأخيه ….
زين بتوتر : معلش يا امي انا بس من خضتي علي ديچة نسيت . ثواني هكلمه اهو…
وبالفعل هاتف اخيه…. ايوة يا مروان انت فين.!!!
مروان : انا في عشاء مع عملاء ليه في ايه.!!؟
زين بعصبية: سيب كل حاجة وتعالي بسرعة علي المستشفي خديچة بتولد. بسرعة..
مروان بقلق : ايه بتقول ايه. دي لسة في السابع!!!
زين اغمض عينيه خوفا وقلقا: اهو اللي حصل بقي تعالي بسرعة يا مروان..
مروان: حاضر .. حاضر .. انا جاي مسافة السكة…
اغلق الهاتف مع اخاه وتنهد بتعب ومسد عظمة انفه بإرهاق….
فاطمة برفق: بقولك ايه يا حبيبي ما تروح انت البيت تغير هدومك. اللي كلها دم دي. وترتاح انت مالحقتش ترتاح ولسة راجع من المأمورية…
زين بنفي ولهفة: لا لا يا امي مستحيييل… ما اقدرش امشي الا لما اطمن علي ديچة .. لما تخرج بالسلامة …
فاطمة بدمعة ندم : للدرجة دي بتحبها!!!
زين نظر لوالدته بصدمة: هي..ههههي ..هي… مين!!!
فاطمة بدموع : ديچة . مش انت بردوا بتحبها!!!
زين ابتلع لعابه بصعوبة وخوف من افتضاح امره : ايوة طبعا دي اختي الصغيرة…ما انتي عارفة…دي كمان بقت مرات اخويا وهتجيبلنا حتة مننا كلنا…
فاطمة بهدوء تطمئنه: ايوة طبعا ما انا عارفة . ربنا يخليكوا كلكم لبعض حبيبي…عقبالك…
بقولك ايه وديني اوضتها اتوضي واصلي وادعيلها الفجر اذن اهو…
