ريحانة الجنة 2
كانت تسمعه وهي تتقطع الما عليه احقا بداخله كل هذه المشاعر والحنان. احقا هي عمياء لا تري كل هذا الحب. احقا هو يحبها لهذه الدرجة.
عذرا يا زوجي ولكن اعدك اني سوف اتغير واشعرك بالسعادة وسأعمل جاهدة لانتزع حبه من قلبي وازرع حبك انت. اعدك…
خديچة بدموع: اوعدك … اوعدك يا مروان. بس ارجوك خاليك جنبي. واوعي تتغير خاليك كدة حبني يا مروان بصدق وانا اوعدك ححاول والله ههحاول.
ابتسم وضمها بقوة وهو سعيد فأمله في طريق التحقيق. وقريب جداااا سوف يمتلك قلبها مثل ما امتلك جسدها…
مروان: انا جنبك وتحت رجلك بس انتي خاليكي جنبي…
…………………………………………
عاد المنزل وهو حزين يحتل ملامحه العبوث والحزن .
جلس علي اقرب مقعد واراح رأسه عليه واغمض عينيه وهو يشعر انه مازال مشلول التفكير لا يستطيع اتخاذ قرار…
شاهدته والدته واقتربت منه ومسدت رأسه بدفئ وهي تخلل اصابعها في خصلاته السوداء الغزيرة.
فاطمة: مالك يا ابني فيك ايه حساك مش مبسوط ليه دايما ساكت ومهموم كدة. فضفضلي ده انا امك حبيبتك.!!؟
ابتسم وفتح عيناه ورمقها بألم واخرج تنهيدة مريرة
زين:ولا حاجة يا ست الكل انا بخير بس مشغول شوية…
فاطمة بخبث: بس انا عارفة مالك. انا فاهمة كل حاجة…
رمقها بدهشة : عارفة؟! عارفة ايه!!
فاطمة بإبتسامة: انت شكلك كدة غيران من اخوك. عايز تتجوز وتخلف زيه. مش كدة…
تنهد براحة وابتسم بسخرية : ومين بقي اللي قالك كدة. انا مش عايز اتجوز. كدة اريح…
فاطمة بعبوث: ليه كدة يا ابني ده انا هتجنن علي اليوم ده. نفسي افرح بيك زي اخوك كدة ليه عايز تحرمني من اليوم ده…
وبكت والدته بحزن فرق لها قلبه وقام من مقعده وجثي علي ركبتيه بجوارها ولثم كفيها بقبلة حنونة. ومد انامله ليزيل دمعها.
زين: ليه بس الدموع يا حبيبتي.
ثم تنهد بتعب. هو مش انت فرحانة بمروان وديچة والبيبي اللي جاي. انشغلي بيهم وسبيني بقي مع نفسي. انا مش بفكر في الجواز دلوقتي…
فاطمة وبكائها يزداد: انت بتقول ايه . فرحتي باخوك عمرها ماتنسيني فرحتي بيك. انتم الاتنين ولادي. وعايزة اتطمن عليك زي ما اتطمنت علي مروان.
واكملت بلين ورجاء.
وبعدين صدقني الجواز بيريح البال ويغير البني آدم. اهو تبقي فيه في حياتك واحدة تحبها وتحبك وتخاف عليك. تستناك بالليل وانت راجع من شغلك تعبان تفضفض معاها تتكلم تكون سكن ليك زي ربنا مابيقول.
طيب بذمتك انت مش ملاحظ التغير اللي حصل لمروان.
هو ده مروان. بتاع زمان . شوف بقي هادي وحنين ازاي.
وحياتي عندك وافق وخاليني افرح بيك…
