الزعيم ميرا احمد
نظرت إليه أخيرًا.
“إزاي أثق فيك بعد اللي سمعته؟”
لم يجد جوابًا.
لأول مرة…
كان آدم الجبالي بلا كلمات.
—
من خلف الشاشة، بدأت فاطمة تبكي.
“نادر…”
التفت إليها.
قالت بصوت ضعيف:
“كفاية.”
ضحك.
“لسه.”
ثم نظر إلى سلمى.
“اسأليها.”
نظرت سلمى إلى فاطمة.
“تسألها عن إيه؟”
قال نادر:
“اسأليها مين كان موجود ليلة موت أمك.”
تغير وجه فاطمة.
لاحظ آدم ذلك.
اقترب من الشاشة.
“ماما؟”
لم تجب.
قال آدم:
“إنتِ كنتِ عارفة؟”
أغلقت فاطمة عينيها.
ثم قالت:
“أيوه.”
تراجع آدم خطوة.
“عارفة إيه؟”
قالت:
“كنت عارفة إن ليلى عندها بنت.”
نظر آدم إلى سلمى.
ثم إلى أمه.
“إنتِ كنتِ عارفة إنها عايشة؟”
“أيوه.”
“من إمتى؟”
صمتت.
صرخ:
“من إمتى يا أمي؟!”
قالت:
“من يوم ولادتها.”
ساد صمت ثقيل.
قال آدم:
“وليه ما قولتيليش؟”
“لأن أبوك كان هيموتها.”
“وأنا؟”
“كنت طفل.”
ثم أضافت:
“ما كنتش عايزة أحط ذنب أبوك فوق كتافك.”
جلس آدم للحظة.
كان كل شيء ينهار حوله.
تاريخ عائلته.
صورته عن والده.
حياته كلها.
ثم نظر إلى سلمى.
“أنا آسف.”
لم تجبه.
—
فجأة…
انطلقت صافرة إنذار.
رفع نادر رأسه.
“إيه ده؟”
سمع الجميع أصوات إطلاق نار في الخارج.
صرخ أحد رجاله:
“الشرطة!”
لكن نادر ابتسم.
“مش الشرطة.”
نظر إلى آدم.
“رجالك.”
قال آدم:
“إنت محاصر.”
ضحك نادر.
“وأنت كمان.”
ثم ضغط زرًا في جهاز صغير.
انفتح باب خلفي.
ظهر رجال مسلحون.
قال نادر:
“أنا ما جبتكيش هنا عشان أق*تلك يا سلمى.”
نظرت إليه.
“أمال ليه؟”
“عشان تاخدي مكانك.”
“فين؟”
“على رأس الإمبراطورية.”
تجمد الجميع.
قال آدم:
“مستحيل.”
أجاب نادر:
“هي الوريثة الشرعية.”
ثم نظر إلى سلمى.
“كل الحسابات السرية، كل العقارات، كل الأموال اللي اتدفنت من عشرين سنة…”
