يونس بقلم اسراءعلي 4

زفر يونس بـ إختناق ثم تحدث وقد سمح لنفسه بـ الحديث عله يجد الراحة

-خايف ملحقهاش
-هى مين!
-وبلا تردد أجاب:مراتي

عقد محمود ما بين حاجبيه بـ دهشة وقال بـ شيئًا من الدهشة

-هو حضرتك متجوز!..أنا أول مرة أعرف
-هز رأسه بـ نفي ثم قال:دا بـ إعتبار ما سيكون…

بدى على وجه محمود الحيرة بـ درجة أكبر..ولكنه هز كتفيه بـ قلة حيلة ثم قال بـ هدوء وكأنه أراد مواساته

-إن شاء الله هتلحقها..متقلقش
-سألع يونس بـ توتر:قدامنا أد إيه ونوصل؟!

نظر محمود إلى ساعته..ثم نظر إلى يونس وقال

-مفضلش كتير..كلها أربع ساعات ونوصل..

ضرب يونس المقعد بـ عنف وقال بـ حدة

-لسه فاضل كتير
-ربت محمود على مكنبه وقال:لو تحب نزود السرعة..مفيش مانع
-رد عليه يونس بـ لهفة:ياريت…

أماء محمود وهو يبتسم..ثم إنحنى بـ جسده إلى الأمام وهمس لـ سائق الطائرة بـ كلمات مُقتضبة..أماء الطيار بـ طاعة..عاد إلى مكانه وقد شعر يونس بـ إسراع الطائرة..نظر إلى محمود بـ إمتنان وقال

-شكرًا يا محمود
-العفو ع إيه بس..إحنا فـ الخدمة…

أخرج يونس هاتفه وإتصل بـ محمد الذي رد بسرعة

-أيوة يا يونس..في حاجة؟!
-أجابه يونس بـ صوته الرخيم:قدرت تتصرفلي فـ مأذون!

ضحك محمد على كلمته “تتصرفلي”..ثم همس في نفسه

-هو بنطلون!

تنحنح محمد ثم قال بـ جدية

-أيوة..وإحنا جايين نستقبلك
-حلو..أنا كمان ساعتين وهكون عندك
-تمام

وكاد أن يغلق ولكن هتاف يونس أوقفه ليسأله بـ هدوء

-في حاجة!
-فكرتلي هدخل الحفلة إزاي!!

نظر محمد إلى الحقيبة بـ المقعد الخلفي ثم تشدق بـ غرور

-عيب عليك يا معلم..
-تمام أوي..متتأخرش يا محمد
-متخافش..أنت وراك رجالة…

ثم أغلق الهاتف..وما كاد أن يضعه حتى صدح مرة أخرى..تناوله فـ وجد صديقه عدي..رد عليه بـ هدوء

-أيوة يا عدي
-محمد!!..أنت فين؟!
-رايح ليونس دلوقتي..أنت اللي فين!
-أنا وراك أهو…

قالها وهو يبعث أضواء بـ سيارته لينتبه محمد إليها..فـ بادله لكي يُشير إليه أنها قد وصلته ثم قال

-خلاص شوفتك..
-هو لسه مصمم يروح لعز!..
-تنهد محمد بـ قلة حيلة وقال:أنت عارف أخوك
-منا عشان عارفه..وخايف من اللي هيعمله..عاوز أمنعه بـ أي طريقة

إبتلع محمد ريقه بـ توتر وقال بـ صوتٍ لا يقل عن توتر جسده

-هو أنت عرفت التقيلة!
-عقد ما بين حاجبيه وقال:اللي هو!
-طب بلاش..أنت كدا كدا هتعرف كمان شوية..
-يعني..آآآ…